Azərbaycan Respublikası Təhsil Nazirliyinin və Dünya Bankının maliyyə, “Allianz Consult” şirkətinin təşkilati dəstəyi ilə məktəb icmalarının yaradılması üzrə pilot layihə çərçivəsində “Sinif icmalarının plan müsabiqəsi” qaliblərinin mükafatlandırma mərasimi keçirilib. Community.az saytı vasitəsilə keçirilən müsabiqədə sinif icmaları mükafatlandırılıb. Müsabiqədə 37 sinif icması iştirak edib. Tədbirin yekununda nominasiyalar üzrə qaliblər fəxri fərman və müsabiqənin tərəfdaş şirkətləri, “Access Bank”, “Sağlam Ailə Tibb Mərkəzi”, “Standard Insurance”, “Baker Tilly Azərbaycan”, “AZZA” şirniyyat evi, “Khazar Ventures”, “Azerfon” tərəfindən müxtəlif dəyərli hədiyyələrlə mükafatlandırılıb.Müsabiqədə göstərdiyi dəstəyə görə Sağlam Ailə Tibb Mərkəzi Təşəkkürnaməyə layiq görülüb.
