Follikul stimuləedici hormon (FSH) hipofizin qlikoproteid qonadotrop hormonudur. Kişilərdə spermatogenezin, qadınlarda isə follikulların inkişafını stimulə edir.
Qonadoliberin, cinsi hormonlar və inhibin təsiri altında hipofizin ön payında sintez olunur. FSH qana 1-4 saatlıq intervallarla buraxılır. Bu zaman qanda FSH səviyyəsi 1,5-2,5 dəfə artır. Belə artım 15 dəqiqə davam edir. Fəsildən asılı olaraq hormonun miqdarı qanda dəyişir. Kişilərdə FSH yayda daha yüksək olur.
LH/FSH nisbəti vacib göstəricidir. Normada menarxeyə qədər 1-ə bərabər olur. Menarxedən 1 il sonra 1-1,5 arası, 2 il sonradan menopauzaya qədər isə 1,5-2 arasında dəyişir.
- Analiz dirsək venasından götürülmüş qan nümunəsində yoxlanılır.
- Mütləq 8-14 saat aclıqdan sonra yoxlanmalıdır.
- Müayinədən 3 gün əvvəldən fiziki gərginlik, bilavasitə müayinə öncəsi psixoemosional gərginlik və alkoqol qəbulu olmamalıdır.
- Müalicə həkimi tərəfindən başqa cür qeyd edilməmişdirsə menstrual tsikli olan qadınlarda analiz tsiklin 2-4cü günündə yoxlanılır.
- Libido və potensiyanın azalması
- Sonsuzluq
- Anovulyasiya
- Oliqomenoreya və amonereya
- Disfunksional uşaqlıq qanaxması
- Düşüklər
- Böyümənin ləngiməsi
- Yumurtalıqların polikistozu sindromu
- Endometrioz
- Daxili cinsiyyət orqanlarının xroniki iltihabı
- Hormon terapiyasının effektliyinin izlənilməsi
- Vaxtından öncə cinsi inkişaf
FSH səviyyəsinin yüksəlməsi
- Birincili hipoqonadizm
- Hipofizin bazofil adenoması
- Yumurtalıqların endometrial kistası
- Svaer sindromu
- Turner sindromu
- Testikulyar feminizasiya
- Disfunksional uşaqlıq qanaxması
- Siqaretçəkmə
- Rentgen şüalarının təsiri
- Böyrək çatışmazlığı
- Seminoma
- Rilizinq-hormon, ketokonazol, levodopa, nafarelin, nalokson, fenitoin, pravastatin, tamoksifen kimi preparatların qəbulu
FSH səviyyəsinin azalması
- Ikincili amenoreya
- Hipofizar nanizm
- Şixan sindromu
- Simmonds xəstəliyi
- Marfan sindromu
- Hiperprolaktinemiya
- Yumurtalıqların polikistozu sindromu (atipik forma)
- Aclıq
- Piylənmə
- Cərrahi müdaxilə
- Qurğuşun təsiri
- Anabolik steroidlər, buzerelin, karbamazepin, megestrol, peroral kontraseptivlər, stanazol kimi preparatların qəbulu